中環出更：葉劉再穿黑皮褲上陣

行政會議成員兼立法會議員葉劉淑儀，尋日身穿黑色皮褲再襯上一對長靴現身立法會，獲另一立法會議員蔣麗芸大讚有型，話佢好似「女殺手」。葉太隨即自爆，原來呢條皮褲係喺十三年前做緊保安局局長、推緊《基本法》第二十三條立法時買落嘅，又憶述當年佢一身黑皮褸、黑皮褲同戴黑超嘅造型，畀反對廿三條立法嘅人批評佢「寸」同「挑釁」，之後佢只敢齋着番條皮褲，唔敢再襯埋件黑皮褸同黑超。