政情：公民講場：河海魚不分陳克勤瘀爆

大埔三門仔養殖區鹽田仔一帶嘅魚排，近日因為紅潮而出現大批魚類死亡，食物及衞生局局長高永文尋日喺立法會解釋，近日魚類死亡事件源於紅潮。講講吓紅潮，議員陳克勤突然講咗去城門河死魚事件，要求當局交代令魚類死亡嘅污染源頭，之後其黨友葛珮帆又再追問同一問題。高永文即刻話，魚排死嘅魚係養海魚，而城門河入面嘅係河魚，唔明講咩「污染源頭」，兩者不能混為一談，又話城門河河魚係環境局負責。莫非議員唔識分海魚同河魚，只識死魚？