政情：立法會火警演習 議員懶懶閒冇影

田北辰拎埋隻「豬」逃生

走火警唔單止要快，仲要夠輕便，無謂嘢就唔好拎咁多，不過立法會議員田北辰好似就唔明呢個道理，無啦啦拎埋個「豬仔紙牌」嚟演習。佢解釋話因為漁農自然護理署之前都為非洲豬瘟疫情演習，所以立法會火警演習都要帶埋隻「豬」。唔知真係火燭嘅時候，佢係咪都打算拎埋呢隻「豬仔」呢？

至於新上任冇耐嘅議員陳凱欣就喺今次演習完全冇影，唔知佢係已經熟悉立法會嘅逃生路線，所以唔出現，定係搵唔到逃生路線，搞到落唔切嚟喇。