政情：公民講場：流會「添」煩擾 嘆網民大貪

立法會大會前日審議《2014年版權（修訂）條例草案》，第二度因法定人數不足而流會，鍵盤戰線對流會感到欣喜。力撐修訂條例草案嘅國際唱片業協會總裁馮添枝就話，流會實屬不幸，佢哋以往已多次向網民妥協，認為目前嘅草案已經非常寬鬆，形容網民「貪得無厭」。其實馮添枝過去屢出金句，曾指泛民議員就草案提出嘅修訂好似「氫氣彈」外，又指網民所謂嘅「二次創作」其實係「二次使用」，甚至係「免費使用」，睇嚟佢嘅形容不比網民「創作」遜色喎！