政情：公民講場：操盤勁蝕 陳德霖「無能為力」

金管局總裁陳德霖尋日交出一張史上最差嘅成績表，今年第三季外匯基金投資勁蝕六百三十八億元，除咗債券有賺之外，股票及外匯方面都蝕到傻，難為佢大條道理話無能為力。其實第三季股市確係風高浪急，好多小股民都慘變大閘蟹，不過陳德霖嘅投資成績冇理由同金魚缸嘅阿伯一樣，加上陳嘅年薪高達近一千萬元，以前外匯基金勁賺時話要加薪，依家蝕到阿媽都唔認得，喺賞罰分明嘅大前提下，陳德霖係咪應該要考慮減薪呢？