以前要成功，好多人都會專攻一個範疇，之不過家陣呢個世代已經唔同晒，專一未必成功，最好就係嚟個漁翁撒網，向多方面進攻，好似綱島惠里香咁做齊演員、主持同寫真女郎，實行三路進發，如果冇一樣中的話都心甘命抵啦！
要喺日本寫真界成功打響名堂，其實唔一定要擁有激凸上圍，樣子亦唔需要太漂亮，重點在於拍寫真時能夠展現出最誘人嘅一面，成功例子就有吉木莉莎、小松彩夏等，綱島惠里香亦係其中之一。25歲嘅惠里香五官標致，氣質清新可人，只不過牙齒唔得整齊潔白，稍微影響美艷程度。幸好嘅係惠里香笑起上嚟甜美嬌艷，收起笑容時又展現一種成熟妖媚。身材方面，惠里香上圍擁有D奶，而四肢同腰肢亦夠纖幼，拍寫真嘅時候動作靈巧，所以惠里香擺出嚟嘅甫士往往都盡現線條美，透過肢體言語誘惑一眾寫真迷，更成功喺芸芸寫真女郎當中脫穎而出。
惠里香就讀高中嘅時候，因為外形出眾而獲推薦去藝能事務所當模特兒。到2009年，惠里香參加「寫真偶像JAPAN」選美比賽，之後正式喺寫真界發展。作為寫真女郎，惠里香除咗因為肢體動作誘人而備受注目，其扮嘢工夫亦不容忽視，無論係扮護士、警花、教師都難佢唔到，由於演技出色，於2011年阿妹主演嘅《Marriage Blue的天空》就喺八王子Short Film映畫祭中獲得獎項喇。演技備受肯定令惠里香得到唔少電影以及電視劇嘅演出機會，今年就有份演出電影《夏日櫻花》，而《反轉日記》會喺明年上映。除咗演技好，惠里香把口亦相當了得，我講嘅係佢做主持時展露嘅口才，最近惠里香仲做埋賽馬評述，如此多元發展，仲邊有人夠佢撈呀！
簡介：Click入綱島惠里香嘅博客真係一件賞心樂事，因為阿妹成日都會上載甜美自拍照上去，大家睇見佢笑得咁甜，心情輕鬆番，咩煩惱都放低晒！
網址：http://ameblo.jp/tsunaeri0507/
年齡：25歲
身高：5呎4吋
三圍：32-24-33
撰文：賢