灣仔：店舖貨霸路礙途人
「唔知係咪附近菜檔啲人放啲貨同埋垃圾喺度，搞到次次經過都要行出馬路！」灣仔居民吳先生經常途經太和街，懷疑附近有菜檔貪圖方便而在行人路放置雜物，造成阻塞及影響衞生，要求部門加強執法。
食署年發34宗檢控
食物環境衞生署發言人表示，一向關注上址一帶雜物阻街的情況，過去一年，共接獲六宗相關投訴及提出三十四宗檢控。接獲轉介後，已加強派員巡查上址，期間發現上址行人路有手推車及發泡膠箱，經警告後，有關物主已移走上述物品。該署亦已安排潔淨服務承辦商清洗上址一帶公衆地方。此外，該署人員已提醒附近店舖的負責人切勿佔用公眾地方放置貨物，否則會被檢控。
「雖然日日派人巡，同埋一年檢控三十幾次，但都仲有咁多嘢放喺度，應該要檢討吓係咪執法力度唔足夠！」吳質疑食環署檢控成效欠佳，建議就此檢討及作出改善。