慈善基金：貧病交煎 林伯腸癌又罹眼疾

「有一日開始發現睇嘢中間有個黑點，後尾仲愈嚟愈大撻，望落去個衣櫃個門邊彎彎曲曲咁都唔係一條直線，我已經心知不妙！」林伯於四年前確診腸癌，經化療後情況已有好轉，豈料「一波未平，一波又起」，早前視力轉差，視物時會見到一團黑影，望直線只看到彎彎曲曲的線條，最後獲醫生確診右眼出現黃斑病變，令林家頓時晴天霹靂。但林伯並無怨天尤人，表示一切乃是命運。「自從有Cancer（癌症）再捱完個化療之後，依家真係好珍惜每一天，無論醫唔醫得好都對現有一切好感恩。」

林伯之前從事印刷行業，收入微薄，居於土瓜灣劏房，由於確診患病後已無力工作，多年來並無收入，一直只依靠綜援金生活，最近他與太太及兒子獲派公屋，才可減輕負擔。「依家香港地衣食住行樣樣貴，我聽番以前啲街坊講，依家嗰度租個劏房都要三、四千蚊，份糧交完租都唔知夠咩用！」林伯慨嘆百物騰貴，希望兒子能努力讀書，日後生活得以改善。

「見到個仔畢業就心足」

「呢個仔算係咁，自己自動自覺讀書，成績都唔錯，知道屋企環境唔好我哋兩老又多病痛，佢都會主動幫手掃地洗碗、照顧屋企。」林伯囿於家中經濟，對未能籌措逾萬元的針藥費而大感徬徨，盼得到善長伸出援手，得以保存視力，日後可親睹兒子上大學及戴上四方帽的一刻。

林伯說：「咁好彩個癌有好轉，以為可以繼續開開心心同老婆同個仔生活多幾年，點知隻眼又唔爭氣，希望東方日報慈善基金可以幫到我，等我隻眼可以睇多幾年嘢，見到個仔畢業，我就心足喇！」

香港眼科醫院發言人指出，林伯右眼於今年五月確診患上息肉狀脈絡膜血管病變（Polypoidal Choroidal Vasculopathy），建議病人接受光動力療法。療程共需注射一次，每次注射費用約一萬二千元，惟日後有可能需再次注射。

發言人續指，注射治療的目的主要是希望穩定病人的視力及減低失明的風險，若病人沒有接受以上治療，其視力可能會轉差。

捐款編號: 12712

記者：蘇敏婷