今日你上鏡：阿基笑迎手下敗將劉江華

二○一二年立法會選舉首次新增五席俗稱「超級區議會」嘅區議會第二界別議席，民協馮檢基（阿基）當時以逾廿六萬票當選，當時代表民建聯參選嘅現任民政事務局局長劉江華，以近廿萬票得票排名第六與議席擦身而過，其後劉江華走入官場，事隔約三年更「升呢」至局長，佢尋日參觀民協旗下社企、職訓中心等，阿基全程在旁陪伴且笑容十足，疑喜迎昔日手下敗將。據悉民協係劉江華首個會見嘅泛民政黨，算係畀足面子阿基！