每逢區議會選舉前半年，地區都相當熱鬧，除咗疑似參選人頻頻曝光外，仲出現好多奇景。我哋就見到新民黨南區區議員陳家珮（Judy）日前喺社交網站上載咗相片（圖），相中係佢個辦事處堆滿晒一袋袋米，驟眼睇仲以為係一個米倉添！原來係Judy透過團購幫街坊買泰國香米，平均每季都會幫街坊訂購約二百包，今次已經係第四、五次喇。佢仲話嚟緊考慮團購西班牙火腿等食物或日用品喎。雖然佢話會預設團購上限，但數量都唔少，乜佢唔驚被鄰近店舖話佢搶生意咩？
（互聯網）
