政情：波叔重提改劃綠化地

斥「拉布」令房屋問題倒退

陳茂波仲質疑，利用司法程序加以阻延建屋嘅人喺別有他圖，更加痛斥有人喺土地供應工作上「拉布」，批評咁會令本港嘅房屋問題倒退、普羅巿民受害。不過，有人質疑現屆政府三年以來不斷增加土地供應，但樓價仍然高企，甚至創新高，究竟不停增加土地供應係咪可以解決問題呢？陳茂波就解釋，土地供應與房屋嘅關係，就好似麵粉同麵包，轉化嘅過程喺需要時間嘅。

陳茂波又提到，自己細個喺木屋區同廉租屋長大，理解市民喺居住問題上嘅壓力同焦慮，話長遠多個發展計劃可為市民提供十九萬個公私營房屋單位，預計可於二○二三年之後逐步落成。至於短中期方面，佢就話無魔術棒，會繼續改劃合適用地作房屋用途，增加單位供應。