公民講場：中港關係似「主人與貓」

政改爭議持續，有泛民中人指一切源於中央同香港缺乏互信，有人更開始為政改一旦被否決後，香港社會如何於「後政改」重新出發獻計。香港聖公會教省秘書長管浩鳴尋日出席電台節目時，就以主人同貓嘅關係，比喻中央同香港嘅關係。佢形容好多朋友話貓會抓爛啲傢俬，不過佢屋企嘅貓就好乖，所以唔需要搵個籠困住牠。佢又提及，如果想內地對香港嘅政策放寬啲，就要視乎香港嘅表現咁話。唔知管浩鳴言下之意，係咪扭計嘅孩子有糖食嘅年代已過去呢？