美人魚係傳說故事，話佢哋專門以美妙歌聲迷惑船夫，搞到迷迷糊糊不知方向，繼而沉船收場。美人魚雖然係傳說，但唔代表唔存在，日本就有一條，佢係近期脫離少女組合SKE48，憑住一對巨乳搵食嘅佐藤聖羅喇！
日本人氣組合AKB48當中嘅成員個個都年輕貌美，活潑可愛仲好好身材，好似小嶋陽菜、篠田麻里子都不時以內衣及泳裝拍寫真，一騷驕人體態。至於與AKB48同系嘅SKE48一樣有好多超索女優，當中堪稱索絕嘅就一定係前成員佐藤聖羅喇。家陣23歲嘅聖羅個樣生得比其他成員嚟得成熟有韻味，一派大姐姐氣質予人無比親切，而佢溫柔得嚟仲帶點冷酷，笑起上嚟又不失可愛，令人又愛又恨。咁恨多啲定係愛多啲呢？相信大家欣賞完聖羅嘅胴體，一定會愛佢愛到死。阿妹肉地結實有彈性，肌膚緊緻光滑，可見平日一定有做運動促進健康。聖羅弗爆嘅身體仲有一對又大又堅挺嘅極品G奶，實在太正呀！
佐藤聖羅喺2008年加入SKE48，成為第一代成員，亦係最耀眼嘅一位，當然係因為其G奶啦！據聞雜誌每一次想搵SKE48成員拍水着寫真，都會第一時間諗起聖羅。另一方面，佢身材咁正，有好多人大讚佢着泳裝比起着其他服裝嚟得更自然同好睇。事實上，聖羅自小就同泳裝有緣，自稱「SKE48之美人魚」嘅佢小時候已係泳術高手，有傳仲參加過青年奧運會添。雖然消息未得證實，但係阿妹喺SKE48搞嘅游泳大會中就多次展現出色泳術喇。除咗美人魚，聖羅仲自稱「女忍者」，原因係其家鄉三重縣入面嘅伊賀市正被稱為忍者發源地。之不過，聖羅做女忍者就好失敗喇，完全唔識得隱藏行蹤，早前被傳媒發現佢同知名搞笑男主持吉田敬去酒吧飲酒，仲被炒作話佢咁做係為咗色誘對方以增加綜藝節目演出機會。然而，聖羅對此矢口否認，仲話自己的確有入酒吧，但係好快就因心情欠佳而借機鬆人，完全冇下文喎。
近期佐藤聖羅以拍寫真為主，從其博客當中可以見到佢同其他水着妹一齊工作，想睇波就Click入去喇喂！
網址：http://ameblo.jp/seira--sato/
年齡：23歲
身高：5呎2吋
三圍：34G-24-35
撰文：賢