政情:公民講場:泛民變散沙 老鴿嘆奈何

政改爭議令泛民主派內路線之爭浮上水面,泛民傳統陣營被指缺乏本土意識,學界團體亦自成一角,激進派及本土派更是勇武抗爭當頭,似乎要團結力量共同爭取真普選唔係容易嘅事,連民主黨中委張文光尋日都語重心長話,依家民主運動已經到咗艱難時刻,又話過去三十年爭取民主路線被否定,包括和平理性非暴力等路線,不被部分年輕人接受,佢認為民主運動唔能夠再「碎片化」,形容依家再唔團結,就會變成碎沙。張文光縱橫政壇多時都對民主運動如此感慨,泛民各派別如繼續我行我素,遲早由碎沙變為一盤散沙。

第一手消息請下載on.cc東網iPhone/iPad/Android/Windows Phone Apps