冇咪晒咪等於自暴其短？啱，不過睇女唔係只睇對咪咪，澳洲裸模Skye Bee正係最好人辦喇！阿妹不但咪細，更為32B感到自豪，亦因為夠細，冇任何包袱下參加性感選美比賽，結果成功彈出國際，問你服未！
從來冇話過裸模一定要巨乳，亦冇講過要鬥贏姊妹先叫正妹，純粹係班「胸奴」一廂情願要睇大咪，先令一眾得對奶嘅所謂「裸模」上晒位！而其實一位真正稱得上裸模嘅囡囡，應該要有個人態度，識得剝衫令麻甩佬興奮之餘，過程仲要有感覺，繼而要發夢都諗起對方先為之高質素呀！
澳洲妹Skye Bee算係近年其中一位少數冇波但極受巴打追捧嘅囡囡，阿妹芳年廿五，三圍32B-23-33，身材普通到隨街都搵到件，不過佢唔覺係缺點，更要將天賦身材騷盡畀世人睇，結果喺2009年開始行性感做網絡Model，跟住被Playboy睇中，再由澳洲搬到美國市場發展，成為正式裸模。佢喺網站訪問中賣花讚花香話自細有睇雜誌，覺得紙上嘅裸模好有美感又有性格，估唔到今日可夢想成真，所以絕不會放過機會，要Skye Bee呢個名威震全球！
老實講Skye有今日成績，當然非靠架生，純粹個人積極，由佢2012年進入美國大市場後，不甘只做紙上Model，要跳到大舞台，於是凡係同色情有關嘅選美都幾乎報名參加，總之要露嘅就見到佢，各位唔好忘記佢對咪咪係同場中最細之一，但原來對佢嚟講係優勢，皆因男人對於大咪見慣睇熟，細咪反而挑逗到評審及觀眾眼球，最終阿妹都捧走唔少獎項，咁你可以想像，Skye嘅剝衫技術，絕對唔係除個扣，解條帶咁簡單囉！據阿妹話喺未入行前已喺各大夜場做Dancer，每晚都瘋狂跳舞，一方面賺生活費，同時可做運動保持身材苗條，而更重要係零距離了解男人心理，難怪今日做裸模，唔講身材，只係玩節奏都足以帶男人遊花園啦！
上晒位已係事實，Skye由雜誌出身，再參加選美，然後成立個人網站，靠自己頭腦及名氣搵真銀，你話男人無本心，其實女人都唔好得去邊，學佢咁喺美國起朵，結果成名後就返去澳洲深居簡出，只係定時定候更新網站寫真及短片。傳媒問佢係咪有意引退，佢就毫不客氣話澳洲沙灘水清沙幼先好去，意即美國嗰啲唔入流，佢仲話歡迎任何單位透過網站預約佢喎！哈，囡囡上咗位十居其九都扮貴，咁就咪再怪男人點解咁貪新厭舊，細佬都係返去睇吓大波妹好囉！
簡介：Skye Bee影過好多靚相，但講靚講多點都唔及個人網站精彩，無奈只得低清預覽係免費，所有寫真或戶外挑逗短片都係要收費，怕受不住誘惑嘅巴打，最好避得就避喇！
網址：http://skyebeeofficial.com.au/
出生日期：1989年6月14日
三圍：32B-23-33
身高：5呎2吋
撰文：祖