政情：廠商會暑期工益中學生

薪酬有幾高呢？廠商會會長李秀恒（Eddy）就賣關子話仲諗緊，但賺幾多錢都係其次，學嘢先重要喎。

Eddy解釋，因為大家對「香港製造」四個字了解唔多，所以先有呢個暑期實習嘅構思，等年輕一代明白何謂產品，而所謂產品要求，又係咩一回事。

下月率大學生天津考察

廠商會六月亦會去天津搞工展會，佢哋就打算帶六十二位大學生實地考察，體驗下點樣籌辦工展會。參加者仲有機會同各大品牌老闆即場傾吓生意經，又可以落場幫手銷售產品，打番場實戰，話唔定有意外收穫添。