政情：公民廣場：唔開會照支薪 泛民辣慶健波

立法會一連三日就泛民主派提出近五百項預算案修訂逐一進行表決，經歷近二十個小時投票，泛民及建制兩派議員已經好「躁底」，其中保險界陳健波更由早鬧到晚，炮轟泛民議員唔開會但照支薪，只有建制派議員「撳傻仔鐘」，「（建制派）喺度NO、NO、NO、NO（投票否決修訂），有冇意義？（泛民）有冇出糧先？有就返嚟做嘢囉！」其實泛民搞咁多嘢都係想「拉布」拖延審議及搞亂檔，依家陳健波搞到自己咁勞氣，咪中晒計囉！