選舉管理委員會主席馮驊尋日公布明年立法會選舉地方選區分界及議席分配，建議港島區直選議席由七席減至六席，九龍西就增加一席，其他選區議席維持不變。選管會公布建議後，建制派均表示不滿，尤其係今屆喺港島區以最低票當選嘅工聯會立法會議員王國興（阿王）更加閉翳，直言對有關建議好遺憾。歷經多次選戰嘅阿王曾經多次轉區，由港島東轉至新界西再轉返港島區，上次選舉已經係險勝，今次分餅仔再被減一席，唔通佢又要再次「出走」？
