居屋雍明苑近日陸續入伙，啲施工質素嘅問題逐漸浮上面，有驗樓師就發現防火門同埋窗門閂唔到、廚房同廁所出現多塊空心磚，甚至部分單位嘅房間牆角嘅批盪，竟然手指都篤得穿添。居屋單位手工咁差劣，唔止承建商有責任，房屋署亦走唔甩。今次驗收咁求其，搞到市民用真金白銀購入次貨單位，如果運輸及房局局長陳帆仲繼續懶理，唔通要等到出事故先識驚？
