政情：公民講場：「章」轟佔領生 女友前逞英雄

經常語出驚人挑起火頭嘅行政會議成員、港大校務委員會成員李國章，尋日接受電視台訪問時又向參與佔領行動嘅師生及泛民主派開火。李國章除咗炮轟泛民主派揚言堅決否決政改外，又批評有大學教授只顧參與佔領行動而未盡本分做好研究和教學工作，同時又斥責參加抗爭嘅學生，喺學術上並非特別有天賦，但就鍾意喺女友及其他人面前逞英雄，以為企出嚟舉標語嗌吓口號就似英雄。究竟李國章口中嘅「英雄」係邊個呢？雖然佢冇講明，但學民思潮召集人黃之鋒就急不及待喺社交網站還擊喇。