德田邨口車閘出入倒置釀險
車道出入倒置，居民司機齊被玩殘。已列入租置計劃的德田邨早前加裝八達通車閘系統以取代人手操作，但完成裝置後，居民卻發現出入方向卻與一般車道相反，每有車輛出入入口處皆「大打蛇餅」，更因出入方向倒置而險象環生。區議員直斥房屋署以已出售屋邨為由拒絕跟進大有不負責任之嫌，要求管理公司改動車閘位置，確保人、車出入安全。
德田邨德盛樓設有車輛出入、口，多年來皆以人手登記車輛出入。不過，有居民早前發現出入口突然加裝車閘，原以為可令車輛出入更便捷，未料車閘啟用時即發現出入方向與一般道路設計相反。車主黃小姐便稱，自車閘啟用後，驚險鏡頭即不斷出現，「咁改法好危險，外來車又唔知個設計，好多時一出一入都有對頭車，好幾次仲差啲撞車！」
疑中間無位裝拍卡機
除出現對頭車「對峙」鏡頭外，記者在視察期間亦多次目睹擬入閘車輛欲按「常理」左轉不果，經保安員提點後須倒車再轉用右邊的閘機入閘，期間亦有車輛因「唔夠位轉彎」，司機需下車拍卡才能入閘，狀甚狼狽。
「聽講話因為中間唔夠位裝拍卡機，所以要設計成咁，但真係好有問題，房屋署又唔理！」當區區議員柯創盛估計，管理公司當初為節省人手安裝車閘，未料裝閘後仍要安排保安駐守，以提醒司機車閘方向有別於一般設置，甚至要「喝止」司機勿同時於出、入閘機拍卡，「個閘無論係出定係入，只要是但一邊有人拍卡，出入兩邊閘都會一齊升起，如果有司機喺呢個時候再拍卡，只要有一部車過咗個閘就會閂，另一邊嘅車就過唔到！」柯創盛建議將整組系統並向屋邨內移數米，期望可解決空間不足問題並確保駕駛者安全。
運署稱設計不違法例
房屋署發言人指出，德田邨為出售屋邨，日常管理由業主立案法團聘請的管理公司負責。運輸署發言人則說，邨內路段屬私家路範圍，並由管理公司管理，但道路必須根據《道路交通條例》及《私家路守則》設計和管理。由於守則並無規定車輛出入通道的行車方向，故有關設計不違反法例。
德田邨客戶服務處發言人則稱，有關安排由法團經多次會議討論決定，涉事通道供有需要的居民短暫停泊車輛上、落客貨，或供緊車輛之用。由於通道為單線雙程行車，拍卡器須安裝於近司機位置的行人路上，服務處已有清晰路牌提醒駕駛者，而路面亦有明顯箭嘴指示，相關改動已知會消防處。發言人又強調該系統已投入服務個多月，運作暢順。
記者：林永發