政情：白鴿黨慶 盡邀騎呢嘉賓

陳方安生（中）到場後即與何俊仁開心交談，真係臭味相投。（潘思維攝）

出席晚宴嘅人包括「民主阿婆」前政務司司長陳方安生、有「小八國聯軍」首領外號嘅美國駐港總領事夏千福、人稱「廢官」嘅平等機會委員會主席周一嶽，及過氣嘅前全國政協委員劉夢熊等。久未露面嘅劉戴住副太陽眼鏡出席晚宴，原來佢左眼視網膜脫落，尋日先至喺私家醫院做完手術。佢引述醫生話，如果佢遲兩日求診，可能會導致左眼失明。

一眾司局長缺席

雖然一眾政府司局長都缺席晚宴，但審計署署長孫德基及行政會議召集人林煥光（WK）都有到場。不過，WK就來一番訓話，認為負責任嘅政黨要考慮大局，並要有積極解決問題嘅態度，而非用你死我活嘅方式或不問情由去「拉布」，意味警告白鴿黨勿與激進黨派為伍，需顧全大局。該黨最後籌得約三百六十萬元。

劉夢熊戴太陽眼鏡出席晚宴，自稱剛做完左眼視網膜手術。

夏千福冇落區做騷，反而出席民主黨黨慶。