房車炒甩轆 女藝人李楓拒「吹波」

涉案女藝人李楓（六十一歲），原名李惠歡，投身演藝界卅多年，早前從事電影、話劇及舞台劇演出，近年加入無綫電視參演多齣電視劇，一二年轉投香港電視。○七年她涉在被停牌期間駕駛及無購買第三者保險，被判一百二十小時社會服務令，罰款二千元及停牌一年。

承認「飲咗少少啤酒」

昨午四時許，李駕駛女友人的私家車，沿將軍澳道向將軍澳隧道行駛，至觀塘警署對開，疑失控撞石壆，左車頭損毀，左前輪胎軨損毀甩脫，她仍繼續行駛，胎軨摩擦路面發出火花，其他駕駛人士報警，其後她亦將車停於路旁。

警員與消防員到場，證實私家車無着火，李聲稱不知如何撞車，亦不知甩轆，警員發覺她身有酒氣，要求接受「吹波波」酒精呼氣測試，但她拒絕，於是將她拘捕，警員同時發現行車證已於上月初到期，將聯絡車主助查。

李楓接受本報訪問稱：「我都唔知發生咩事，只係想出去九龍城買大閘蟹食，可能我撞到石壆唔知仲一路行車搞到咁啦！」她又直認「飲咗少少啤酒啫，我識得分係唔過分先飲，如果係（超標），我都要坐監啦！她又指「總之人平安，好小意思，多謝關心！」