「可以幫公公婆婆完成呢個心願，就算好攰都好開心。」KK在跨世紀長者婚禮擔當義工保母，替婆婆披嫁衣，於婚禮中照顧新娘子、幫忙打點，轉眼已七年。從當初因男友阿傑才加入義工，到現時期待每次婚禮的感動，每次都令KK深深感受到長者的喜悅：「現代人可能覺得着婚紗好閒，但對啲婆婆嚟講，一世人就係得呢次機會，所以佢真係會不停多謝你，會講到喊。」

情深說話 伺機表達

阿傑從第二屆婚禮開始當義工，作為男孩子的他，故然對伯伯的鐵漢柔情更有感觸，「好多時都係公公唔想參加（婚禮），所以其實啲公公肯陪婆婆嚟，係好錫婆婆。」阿傑憶述有一次替公公錄製表白短片時，一位曾當軍人的硬漢子，在面對鏡頭說出積壓心底多年的話時，竟不禁流眼淚，「如果無呢個機會，可能佢哋一世都唔會講呢啲深情說話。」遲來的婚禮雖然錯過了長者彼此的春天，但仍趕得及讓伯伯償還拖欠愛人半生的「情債」，令阿傑十分動容。

婆婆在拍攝婚紗照前化妝。	鄧伯伯及太太的感情至今仍有增無減。	阿傑及ＫＫ在活動前及活動當日亦不辭勞苦地幫忙。（受訪者提供）

對於一對情侶而言，婚姻可謂二人夢寐以求的幸福終章，但走到這一步卻殊不容易。看見長者們恩愛如昔，阿傑既佩服又羨慕：「佢哋（長者）其實講得好輕鬆，話忍吓就幾十年，但我係真心佩服佢哋，亦鼓勵我要做得到。」他更即場表示自己會對另一半更好，在旁的KK忍不住傻笑一下，又大派「定心丸」，「我係一定要結婚，但擺唔擺酒就無所謂啦。」二人相視而笑，這對拍拖七年的小情人，恍如公公婆婆當年青葱甜蜜。

文：馬鳳玲

圖：吳啟偉

提名熱線:3600 9999

Fax:3600 9900

E-mail:like@on.cc