牛池灣：斜坡雜草叢生 恐惹蚊患
「成個斜坡都係雜草，又惹蚊又唔好睇，房署唔應該覺得呢啲係小問題就闊佬懶理，始終民生無小事！」彩雲邨居民伍先生每天下午均會取道牛池灣街到彩雲商場品茗，發現附近斜坡上雜草叢生，有礙觀瞻之餘，亦擔心惹來蚊患，卻一直未見房署派員清理。
彩雲邨辦事處已清理
彩雲（二）邨物業服務辦事處發言人表示，接報後已即時完全清理雜草，又強調屋邨範圍內斜坡均由專業人員進行年檢，該處亦會不時派員巡查，適時清理垃圾及雜草，並檢視渠道的運作情況。
伍先生希望屋邨辦事處遵守承諾，定期巡查邨內斜坡，勤加清除雜草，保持屋邨外觀整潔，「依家個斜坡冇晒雜草喇，希望辦事處真係講得出做得到，定期巡查！」