- on.cc 東方互動主頁
- 3月21日 (五)
早前幾名自稱「香港蜘蛛仔」嘅攀山愛好者喺獅子山山頂掛咗一幅印有黃色雨傘圖案同「我要真普選」字樣嘅巨型黃色直幡，第二日就畀漁農自然護理署聯同消防處及民安隊拆除。立法會議員涂謹申（阿涂）對呢宗違例行為唔出聲就算，點知尋日反指當局喺清拆直幡時留低嘅繩索會對人構成生命危險，去信要求清除，認真雞毛蒜皮到令人倒抽一口涼氣。
其實阿涂身為律師，冇理由唔知呢班「香港蜘蛛仔」涉嫌違法。根據《郊野公園及特別地區規例》，任何人未經許可在郊野公園展示任何標誌、告示、海報、條幅都屬違例，最高可被判罰款及監禁。但係阿涂反其道而行，喺信中投訴當局拆直幡時將大量嘅繩索及碎繩棄置喺攀石用嘅固定片上，又將剪咗嘅繩棄置喺峭壁之下，唔止破壞獅子山美景，仲可能會對登山同攀石人士構成生命危險咁話。阿涂咁樣鬥氣兼抽水，似乎過分咗啲。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
