立法會原定今早舉行新立法年度首次大會，但因佔領行動示威者持續包圍政府總部和立法會大樓，立法會主席曾鈺成以保障議員及出席官員嘅人身安全為由，宣布取消今日會議。
不過，建制派議員葉國謙一方面話有一條車道直達立法會，可避免出現示威者衝擊嘅混亂情況，但又死撐話唔存在安全問題，唔覺得建制派議員返到立法會就會被人打一餐喎，仲話：「我行出來如果被人打一餐，咁咪畀佢打我囉！」既然係咁，又使乜咁執着要有條車道直達立法會呢？可以由港鐵站經天橋行去立法會喎。呢啲咪係「又要威又要戴頭盔」囉！
