政情：鬍鬚曾呻公職志士買少見少

「政治環境令人卻步」

鬍鬚曾話，近年政治環境迅速轉變，出任公職稍有差池都動輒得咎，呢種低氣壓或會令有能力又有志服務社會嘅人才卻步，寧願明哲保身，擔心有能力承擔公職服務社會嘅人愈來愈少。鬍鬚曾又提到，佢在政府唔同崗位都有同Marvin接觸、合作，係佢由衷尊敬嘅一位良師益友。

另外，鬍鬚曾又話Marvin過去四十年服務過嘅公職足足長達三張紙，形容花半世時間做到咁多公職，實在匪夷所思，名副其實係「公共行政的神奇小子」喎。

至於有人質疑做公職只為「沽名釣譽」，佢話呢個所謂名譽嘅成本對Marvin來說實在太高，而且Marvin一直低調，靠商界經驗、視野和專業知識，贏得廣泛尊重。