中環出更：夏千福現身廉署

尋日下晝三點幾，廉署外突然有一架黑色房車駛入去，然後見到幾位稀客落車，其中一位就係夏千福，同行仲有一位外籍人士同一位華人。三人一落車就有廉署職員笑笑口接待佢哋，大家有傾有講好似好老友咁。之後大約四十五分鐘，三人又笑笑口咁行出嚟，夏千福入廉署搞乜呢？難道要佢協助調查？定係傾吓近日啲敏感話題？

陪美官晤廉政專員

廉署回覆查詢時話，夏千福係陪同一名訪港嘅美國官員同廉政專員作禮節性會晤，仲話廉署不時接待各地人員到訪，交流反貪心得喎。

卓妮