「潛咗水廿年，自己諗有無方法可以用知識幫到其他人，令佢哋開心呢？」創辦國際傷健潛水協會（香港）的Mimi，○六年開始籌組殘疾人士潛水課程，她自問全屬無心插柳，成事因一班有熱誠的教練，「有次見到個教練喺度幫緊一個傷殘嘅外國人做training（潛水訓練），於是同身邊幾位感興趣嘅潛水教練試吓倣效。」

教練無償付出　感動殘疾者

每月的最後一個星期日，不被主流潛水學校接納的殘疾人士，齊齊於泳池進行潛水練習。「基本嘅要求係學員自己想學啦，二來教練願意教佢，同埋最重要有醫生證明佢係適合潛水。」Mimi表示，「入學要求」十分簡單，而殘疾人士需要學習的技巧及配備的裝備並無大分別，「殘疾人士同普通人都係咁教」，但教學過程依足標準，絕不兒戲。

一眾潛水教練及義工合力教導殘疾人士潛水課程。

Mimi希望殘疾人士置身海底「大魚缸」。

「雙腳無知覺嘅人士會因雙腳喺水底拖行而受傷，所以需要有人幫佢留意對腳。」Mimi指課堂中同時教導非殘疾人士，希望傷健學員同拍檔學習，日後一同潛水，「我哋唔係只係畀佢哋試吓潛水，我哋希望佢哋學完，可以同朋友一齊去潛水，做到傷健共融，因為學咗無人帶佢去，係無意義。」

學員參加漁護署舉辦的珊瑚普查。

每名學員獲多位義務教練及義工貼身指導及協助，安全至上。

每次訓練活動，每名學員都會獲多位不求回報的義務教練及義工貼身指導及從旁協助，「教練除咗要另外去學點樣教，佢哋每次活動都要自己帶埋裝備搭車嚟，連車馬費都無。」Mimi說早前有義工發現自己課堂上協助不足，自行去考潛水教練牌照再教殘疾人士呢！

為別人帶來新世界，Mimi與一眾熱心的教練及義工仍只堅稱「只係將自己有嘅知識去幫人」。曾經有學員親人捉緊他們的手，含淚道謝他們協助親人可以重新振作，Mimi坦言他們的快樂，是對義工們付出最好的回報。

助自閉童享受大魚缸的美

茫茫大海，對每個人都有獨特意義。談到海底的吸引之處，Mimi臉上出現由心而發的微笑，「寧靜啦，好似去咗另一個世界咁，原來除咗陸地世界，我哋仲可以探索地球其他好多地方。」Mimi坦言，最愛到訪淺水的珊瑚區，同時希望殘疾人士亦可以置身這個「大魚缸」，好好享受它的美。

「第一次試都有擔心過教練會控制唔到個仔，但後來發覺佢哋都好專業同好細心，所以好放心。」嚴先生的兒子患有自閉症，難以與陌生人溝通，但參加潛水課程後，在教練的耐心指導下，早前終於成功嘗試於西貢出海潛水，「佢（兒子）應該係好鍾意（潛水），如果唔係佢哋（教練及義工），（兒子）根本唔會接觸到潛水。」

學員為保育普查珊瑚

潛水除了是可以潔淨心靈，亦可協助推動保育。該會除一般潛水訓練外，三年來派員參加漁護署舉辦的珊瑚普查。Mimi多年來的拍檔Danial表示，一眾學員於六月底化身「普查員」到西貢橋咀東，以了解當區海床、珊瑚及魚類的分布及統計水底的指標物種，希望可以提倡重視生態保育。

圖︰蔡高華／文：胡蔣明

提名熱線:3600 9999

Fax:3600 9900

E-mail:like@on.cc