上任以來一直動作多多嘅「小八國聯軍」成員美國駐港總領事夏千福，尋日出席「護鯊行動」活動推廣唔食魚翅，在致詞時以兩文三語做開場白，其中用廣東話講「我一翅都唔食」時唔鹹唔淡，反而用普通話再講一次就較為準確。夏接受傳媒訪問時承認自己有食過魚翅，但係好耐之前嘅事，依家冇再食喇，之後佢喺宣傳海報前把左右手食指打交叉放在嘴邊，寓意封嘴「一翅都唔食」。夏千福此時「封嘴」，唔知仲以為佢表示今後少講為妙，費事又被批評有美國勢力介入香港的事務喎。
