政情：公民講場：建制情脆弱？曾鈺成唔覺

激進泛民主派立法會議員就財政預算案撥款「拉布」咁耐，建制派議員就鬧足咁耐，但主席曾鈺成早前竟然大讚「拉布」議員「拉布」拉得好有專業精神，結果辣慶一眾建制派議員，群起狠批主席患上「斯德哥爾摩症候群」，嚴重傷害反對「拉布」議員嘅感情。雖然曾鈺成同屬建制派，但佢並冇顧及自己友嘅「感情」，冇補鑊不特止，尋日仲話只係如實講出自己嘅觀察，又話唔覺得議員啲感情咁脆弱喎！咁點樣先算係脆弱呢？莫非要心口碎大石嚟試驗吓？