政情：今日你上鏡：王賢訊報喜 下月準備抱B

早前好多城中名人爭相報喜添丁，最新一單係仁濟醫院副主席王賢訊（Vincent），下月就係佢太太朱穎詩（Vincci）嘅預產期，佢話到時要努力工作賺奶粉錢至得喎。Vincent真係識講笑，佢係「電子大王」兼大慈善家王華湘嘅孫仔，王氏家族家大業大，使乜驚呀？其實Vincent一直喺出版故事書方面大展拳腳，佢嗰本神仙狗故事書愈來愈多粉絲，所以佢計劃將故事書內可愛公仔專利授權畀內地或台灣有潛質的合作夥伴，又籌謀將故事書變成動畫，向多元文化產業進軍。