政府擴建將軍澳、屯門、打鼓嶺三個堆填區方案之前喺立法會觸礁，事隔一段時間後決定捲土重來。決定再硬闖立法會嘅環境局局長黃錦星尋日話，政府已推出多項措施改善堆填區附近嘅環境，同區議會嘅距離亦逐漸收窄，有信心爭取支持喎。不過，喺依家事事政治化嘅環境下，黃錦星實情仍然面對重大阻力，但佢竟然夠膽大大聲話有信心堆填區同垃圾焚化爐方案會獲支持，究竟係正如傳聞所講，佢唔想搞政治工作、所以唔了解政治環境吖？定係佢真係咁樂觀當睇唔到市民嘅反對聲音呢？
