店舖霸街擺賣 途人路難行
「平時行過要好似排隊咁一個跟一個行，有次唔小心踢到啲貨仲畀人鬧番轉頭！」筲箕灣居民陳小姐指出，望隆街一帶街市商戶長期佔用街道擺賣，不但寸步難移，更時有途人因踢到貨物而與商戶爭執。陳質疑食環署未有正視問題，變相助長歪風。
食物環境衞生署發言人表示，接獲轉介後已派員巡查，發現有商戶在行人道擺放貨物，已就此作出檢控。
發言人補充，過去三個月已就涉事地址店舖阻街發出約二十宗檢控，亦會繼續留意店舖霸街擺賣的情況。
「其實日日都係咁，點解三個月先得嗰廿宗檢控？食環唔睇緊啲，佢哋隨時當正條街係間舖嘅一部分！」陳小姐直指問題已非一朝一夕，促當局嚴加巡察，確保行人道暢通無阻。