政情：公民講場︰外訪嘥公帑 吳得掂呻攰

去年先後外訪九次、當正外訪工作係旅行嘅教育局局長吳克儉（吳得掂），日前啱啱去完英國「旅行」，尋日就同傳媒敍會喇。不過，佢話返港後好忙，聖誕節同新年都冇放過假，所以要趁農曆新年陪吓家人，連行年宵都唔去喎。唔單止咁，佢朝早出席一個電台節目時仲話冇時間去處理時差添！既然香港都咁多嘢做，咪多啲留港，唔好去咁多「旅行」囉，既可以慳番啲公帑，又唔使搞到個人咁攰，仲唔使適應時差添！