渡海濠情：做得愛多零舍聰明？
最近美國有大學研究發現，老鼠每天做愛半小時，大腦神經同細胞都會特別活躍，相反不做愛嘅老鼠，腦細胞活力相對減低，而嚟自龍會嘅濤濤就話，難怪佢近年特別聰明啦！
呃得就呃
濤濤話：「我以前真係好蠢！每個男朋友都點到我氹氹轉，成日呃我上床不特止，有啲過分嘅仲會呃埋我啲私己錢，好多時呃咗我都仲唔知道，所以啲同性朋友都話我特別蠢，後嚟把心一橫，一於同一時間識多幾個男仔，希望當中有一兩個唔好咁衰嘅，我都還得神落，亦因為男朋友多，所以親熱嘅次數亦多咗，由以前一個星期兩三次，急升至十幾次，我真係冇誇張，四五個男朋友，一人兩三次，你話係咪要做十幾次呢？」
講真講假
咁家陣濤濤有幾聰明呢？濤濤話：「以前啲男朋友講嘢，我係分唔出邊句真邊句假，但家陣竟然分得出，佢哋一講大話我就馬上知道，反問佢哋幾句，統統都會露出原形，特別係親熱前嘅情話，十句有九句都假，但我為咗可以變聰明啲，都唔理得佢哋講真定講假，等完成任務先至再算，由於日子有功，家陣佢哋趷起條尾我都知道想點，所以保持一定親熱數量，人會變得聰明啲係有根據嘅，當然唔可以日做夜做，未變得聰明，巳經可能賣鹹鴨蛋！」
濤濤Profile
年齡：21歲
三圍：34-24-34
撰文：小德
攝影：阿昌