政情：公民講場：貪婪成癮 曾難自拔

「貪曾」前特首曾蔭權爵士貪威識食、貪慕虛榮，估唔到落任一年有多，呢啲壞習慣都戒唔甩。早幾日我哋揭發佢同李國寶、劉鑾鴻呢啲「曾朋友」把臂同遊地中海，九日嘅六星級超豪郵輪之旅，開支每位要二萬美元。除咗戒唔甩要過富豪嘅生活，佢又畀人揭發喺在任時不惜公器私用，要求下屬幫佢安排會見教宗。睇嚟佢嘅貪心病已經病入膏肓，要搣甩佢嘅貪心癮，仲難過戒毒呀。不過佢正在被廉政公署調查，一旦被捕入罪，自然就要為自己嘅貪心付出代價喇。