政情：稱基本法可改 林卓廷被噓
今時今日做政黨真係容易，好多嘢話做就做，都唔使理現實可唔可行，無論普選公民提名同內地新移民人士來港定居嘅單程證審批權，政黨都係盲爭取，噏得就噏。
新民主同盟立法會議員范國威同民主黨總幹事林卓廷尋日出席城市論壇時，就不約而同地話要港府收返審批權，控制內地人來港的數目，林卓廷甚至話「改基本法」都得，台下觀眾即時噓聲四起，並取笑而家啲政黨中人無政治常識！
城市論壇尋日討論內地人潮湧港衍生嘅問題，范國威話，而家內地人來港嘅數量已經超過香港人嘅承受能力，要求港府取消自由行一簽多行、收返單程證審批權等。
盲目促收番單程證審批權
台下觀眾林卓廷都講到收番單程證審批權好簡單：「香港有需要，基本法都可以改！」但呢種言論其他嘉賓同台下觀眾就不敢恭維啦，紛紛話中央有單程證審批權係基本法寫明嘅，仲話范國威咁講其實等同提倡「鎖港」，對經濟發展毫無好處，甚至會嚇怕啲內地專才、優才唔敢來香港！