政情：公民講場：委會群起追殺 貪湯走唔甩

貪湯前廉政專員湯顯明任內豪花公帑大量買酒，又以公務外訪為由周圍遊埠。立法會政府帳目委員會公審完貪湯後已經密鑼緊鼓寫緊報告。由政府成立嘅廉政公署公務酬酢、餽贈及外訪規管制度和程序獨立檢討委員會今個月初亦已經完成咗份報告，政府諮詢完法律意見之後就會公布。貪湯貪腐醜聞令人髮指，咪以為事件咁就告一段落。由立法會議員郭榮鏗同何秀蘭透過提交呈請書成立嘅專責委員會未等立法會復會，就已經決定會喺下月三日召開第二次會議，相信將會掀起新一輪追殺貪湯行動，貪湯想走都走唔甩！