繼保安局局長黎棟國本月初率領五大紀律部隊首長訪京獲國家領導人會見，公務員事務局局長鄧國威亦正率領常任秘書長團訪京，據聞一批副局長同政治助理也不甘後人，最快喺中秋節後北上訪問，不過唔似得紀律部隊團同常秘團有問責官員帶隊，據聞暫時副局、政助團未有司、局長級官員帶隊。咁邊個帶隊呢？一群人聲稱搞了一個民主程序，選出運輸及房屋局副局長邱誠武做領隊。
其實副局同政助北上訪問非首次，因為二○一○年九月，十六名副局、政助由時任特首辦主任譚志源帶隊訪問上海四天，當時獲時任港澳辦副主任華建設宴款待，當時有時任特首辦主任嘅譚志源帶隊，不過今次現任特首辦主任邱騰華暫不在訪京名單上。
蛇無頭不行，依家政府有八名副局長，有人估計或會有較為資深嘅副局長出任，最終脫穎而出「當選」嘅就係傳媒界出身嘅運輸及房屋局副局長邱誠武。不過，政治一日都嫌長，臨到出發前會否突然有「升格」安排，大家要拭目以待喇！