政情：公民講場：堆填區滲垃圾汁不敢「恭蕙」

環境保護署爆出隱瞞堆填區滲漏醜聞，連日「潛水」嘅署理環境局局長陸恭蕙尋日終於蒲頭解畫，一方面死撐無隱瞞事故，但又解釋唔到點解失蹤多日後先至現身交代事件，仲堅稱屯門堆填區冇發生過滲漏「垃圾汁」事故，只係北區打鼓嶺堆填區滲漏「垃圾汁」。「垃圾汁」唔係飲用嘅健康果汁，但唔知點解陸恭蕙輕描淡寫到好似無事咁，以為提供清潔水源畀居民，就唔使擔心滲漏「垃圾汁」會對健康同環境造成重大損害喎，真係針唔拮到肉都唔知痛，建議佢搬到打鼓嶺堆填區附近住吓最實際。