大談九龍東發展
鬍鬚曾話，佢喺放假前探訪起動九龍東辦事處，聽取發展局同事介紹起動九龍東計劃，又去咗啟德郵輪碼頭天台花園欣賞維港兩岸景色。佢喺網誌中話，現時九龍東區內有二百八十座工廈，經活化同改裝後可提供多達五百四十萬平方米寫字樓樓面面積，相等於兩個中環商業區，預料未來會成為本港另一個商業核心。
佢之後又話，當安達臣路發展計劃、觀塘市中心同牛頭角下邨重建計劃完成後，整個啟德發展區可提供大約三萬三千個單位，當中包括一萬四千個公屋及居屋單位，估計可容納九萬人。佢總之一味單向咁講九龍東，又唔使喺區度畀人衝擊，佢攝位都攝得幾舒服吖。