政情：查太呻李國章「搵笨」

查太講笑話，當初入教資會時只被時任教育局局長李國章告知「一年開三次會」，但無被告知「一次會開四日」，入職先發現工作量愈來愈大，搞到做其他嘢都唔得閒。退出教資會後，佢會專注做滙豐控股非執行董事同人大等職務。任職教資會委員兩年的鄭維新將會喺九月接任查太，查太就話對方任多間大學校董，相信接手無問題。

「做新嘢梗係有人唔明，有人不願意改。」查太話任職以來提出回撥學額、競爭研究撥款等機制，但就惹來削資等批評。學聯尋日就有大約十個學生代表到教資會踩場，抗議教資會藉回撥學額機制對部分大學削資，最後學生代表向查太遞信後離去。