接駁巴脫班 害上班遲到
家住元朗廈村的姚小姐每日均會乘搭港鐵K65線接駁巴士上班，惟該線於早上繁忙時間經常爆滿，並不時有脫班情況。姚為免遲到，現時每天均需改乘的士接駁，坦言極為「肉痛」兼不便，「日日等半個鐘都冇車搭，唔係滿座飛站就係脫班，搞到我返工成日遲到！」
不滿港鐵賴塞車
港鐵發言人卻指，根據行車紀錄顯示，K65線巴士大致能按照編定班次由總站新元朗中心及流浮山開出，惟同時承認，該線於平日繁忙時段個別班次乘客量較高，部分中途站候車乘客或需多等候一班巴士，希望市民能諒解巴士班次或會因道路工程、突發事件等因素影響而延誤，並指已提醒車長多勸喻乘客行入車廂，以紓緩問題。
「平時我哋啲乘客已經好合作咁行入車廂，但港鐵就賴塞車、賴乘客，好明顯係班次唔夠，港鐵就點都唔肯加班次，真係好失望！」姚小姐直指該線巴士班次不足及脫班情況至今仍無改善，要求港鐵回應市民需求，盡快增加接駁巴士班次。