政情：公民講場：戴耀廷撤剩把口

佔中兩名發起人戴耀廷及陳健民上月底宣布恢復大學教學工作，將佔中個爛攤子卸畀學界，雖然表面上佢哋已經撤離，但始終撤剩把口，一得閒就出來講番幾句。好似戴耀廷咁，尋日又出來評論禁制令一事，一方面批評政府同警方心虛，要透過法庭禁制令去清場，但又呼籲佔領人士要遵守法庭頒布嘅禁制令，在清場時堅守和平非暴力原則。當初警方清場時，又唔見佢呼籲佔領人士遵守法治？莫非法庭命令就聽，執法部門就唔使理？真係乜都佢講晒。