糟蹋藝術家心血 康文署捱轟
【本報訊】「如果今次整濕嘅係字畫，一定無得救，每一件藝術品，都係藝術家的心血，係獨一無二、好珍貴，就算同一個作家再畫再整，都未必有一樣的神髓，康文署應該好小心保護，唔好令藝術品有損傷。」目擊漏水事件的市民，對藝術家的心血受損，感慨不已。
市民：勿隱瞞事件
任職司機的姓陳男子，對藝術甚感興趣，昨遂偕同友人往香港藝術館觀看展覽，怎料欣賞藝術品之餘，同場還附送另一「驚喜」，目擊館內天花板漏水事件，「我睇到啲展品濕晒，覺得好可惜，更膽心展品損毀，佢哋（藝術館人員）如何善後？淨係抹番就可以？浸壞了又無人或傳媒揭發，係咪擺件『Ａ貨』出來就算？我認為市民有權知真相，康文署一定要將事件公布，唔好隱瞞。」
陳認為康文署應徹查今次漏水原因，並應該全面檢查館內暗藏的喉管是否完好，甚至檢討這設計是否恰當，以防範和確保同類事件，避免再次發生。