渡海濠情：最愛鳥結糖 夠硬夠牛至夠爽

充滿牛氣　

阿婷：請你食糖吖！我去氹仔玩咗成朝，買咗好多鳥結糖返嚟呀！

美麗：正！我最鍾意就係食有果仁嘅糖喇。

男人牛脾氣就唔得女人鍾意，但係床上表現出威猛嘅牛氣，女人就至冧喇！

阿婷

阿婷：鳥結糖係澳門嘅特色糖果之一，好多人都以為係外國嘢，不過有個說法話鳥結糖其實係由中國傳過去。

美麗：係咩？乜我哋祖國嘅出品咁犀利咩？

阿婷：係呀，傳說話有個明朝人叫商輅，佢經過多年苦讀考到第一，而佢以前就曾經發過夢，見到文昌帝君託夢使其取得佳績，又夢到以麥芽糖、花生、米等材料製造出成隻牛咁樣嘅糖，所以叫做牛軋糖，後來因為貪方便改成長條形，再傳到外國，仲改埋名做鳥結糖添。

美麗：原來係咁，唔怪得我含住粒糖嘅時候咁有感覺，好似同個威猛男人打得火熱咁啦。

阿婷：講真，男人真係要好似原始版鳥結糖咁至得，即係一定要夠牛氣，上到床發揮強勁力量向前衝刺，咁至夠爽！

硬而夠韌

美麗：啲鳥結糖雖然係有啲難o趙，但係愈嗒愈有味，男人應該都係要咁樣至得，唔係只得剎那激情。

阿婷：你又講得啱喇！好多花靚仔得個樣，係就係有幹勁，但係就冇乜內涵，完事之後都唔識得做後戲。

美麗：係囉！男人如果好似鳥結糖咁硬梗係好，但係都要學埋當中嘅韌性至得。

阿婷：完全同意！韌性即係持久力，同時亦可以解為延長性戰嘅技巧。

美麗：好多男人都以為交合要愈耐愈好，其實太長時間摩擦，大家都好傷，最好就係做後戲。

阿婷：我都識！完事之後，我會好好幫對方按摩一下性戰期間佢發力最多嘅腿部肌肉，等佢紓緩一下。另外，我仲會輕輕錫下對方同愛撫一下，好似做完劇烈運動之後要做Cool Down運動咁，唔使佢哋副偈好似突然間煞停晒咁傷，而呢類後戲男人都可以向女方做。

阿婷 Profile：

身高：5呎3吋

三圍：34-23-34

美麗 Profile：

身高：5呎4吋

三圍：33-23-34

撰文：賢

攝影：阿昌