政情：廢腑之言：o氹來港取景 Greg蘇想跣片商？

香港有電影之都美譽，但港府亦出晒名唔識協助業界，以為一味出錢資助就拍到優質電影。負責電影發展嘅商務及經濟發展局局長蘇錦樑（Greg蘇）訪美期間就大力推介香港風景，話啱晒美國電影業到港取景喎。如果美國電影界信佢講嘢就死得，皆因港府為怕麻煩，極多地方都唔外借取景，如果想借立法會個場拍套講政治嘅電影，已經無可能，想借警察總部拍警匪戰亦唔得。就算拍街景，唔好話封咗條彌敦道，有次本地電影公司想去青馬大橋取景，港府都say no，外國電影界嚟到，唔知去邊度取景呢？莫非上山頂拍文藝片？