政情：有相為證：長毛企街「打邊爐」

立法會議員梁國雄（長毛）辦公室早前因為火警，令消防灑水流落下面幾個樓層，累到多名議員一鑊泡，而且仲招致損失。雖然警方及消防處仲未調查到起火原因係咪同有人吸煙有關，但咁啱得咁蹺，我哋日前中午就見到長毛同一班議員助理喺立法會外行人路，圍住個垃圾桶「打邊爐」，期間大家有傾有講。其實喺室外非禁煙區吸煙咪好囉，一來保證安全，二來又唔使逼其他人吸二手煙嘛！